Për situatën në Maqedoni ka reaguar edhe Kryetari i Kuvendit të Shqipërisë, Ilir Meta i cili shpreh shqetësimin e madh për ngjarjet e fundit dhe për situatën e krijuar atje.
Në një deklaratë të shpërndarë për mediat, Meta apelon dhe u kërkon autoriteteve vendase të distancohen nga dhuna, si edhe të marrin masa të menjëhershme për ndalimin e dhunës dhe pasojave të saj.
“Stabiliteti i Maqedonisë mbetet shumë i rëndësishëm dhe kyç për stabilitetin dhe sigurinë e Ballkanit dhe të ardhmen e tij. Në këto momente vendimtare dhe kritike për Maqedoninë dhe për rajonin kërkohet maturi, qetësi, dialog politik dhe veprime të cilat t’i shërbejnë rikthimit të paqes sociale dhe normalizimit të situatës”
, shprehet Meta./tvklan.al
