Kukësi do ta nisë të enjten në fushën e Kamzës fazën e dytë të kampionatit. Trajneri Mladen Milinkovic ka vetëm një objektiv në fushën ku la pikë edhe Skënderbeu, të fitojë takimin.
Mladen Milinkovic:
“Është fillimi i fazës së dytë dhe është e rëndësishme për ne. Duam ta ta nisnim me fitore. Jemi të vetëdijshëm që na pret një ndeshje e vështirë, pasi kemi përballë një ekip që mund ta quajmë suprizën e kampionatit”.
Objektivi mbetet mbrojtja e titullit kampion.
Mladen Milinkovic:
“Në 4 ndeshjet e ardhshme do të kenë vlerë për garën për titullin, pasi luhet me gjysmën e parë të tabelës”.
Takimet e javës së dhjetë të Superligës do të luhen të mërkurën dhe të enjten ku kryendeshja është Flamurtari – Skënderbeu. Sfida Vllaznia – Lushnja është shtyrë për javën tjetër, pasi fusha e stadiumit “Loro Boriçi” nuk është ende gati.
Tv Klan
