Edhe pas ndryshimeve të sjella në Komisionin e Reformës Territoriale nga Ministri i Pushtetit Vendor për t’ia lënë Vagalatin Livadhjasë, sërish deputeti minoritar i mazhorancës Andrea Marto votoi kundër projektligjit për ndarjen e re administrative –territoriale, të miratuar një ditë më parë edhe nga qeveria.
Sipas deputetit Marto ndarja e re nuk ruan kufijtë ekzistues të komunave minoritare në jug të vendit. Kjo deklaratë e tij solli edhe reagimin e kreut të Partisë për Drejtësi Integrim dhe Unitet Shpëtim Idrizi.
Replika pati edhe mes Martos dhe kryetarit të komisionit Bashkim Fino. Pavarësisht se Komisoni e kaloi projekt ligjin, kryetari Fino ripërsëriti ftesën në adresë të opozitës, të cilën tha se e pret deri të enjten. Në unison me të ishte edhe kreu i Partisë për drejtësi integrim dhe Unitet Idrizi.
Harta e re administrative territorial e ndan vendin në 61 njësi të qeverisjes vendore.
Tv Klan
