Udhëheqësit e 147 vendeve të botës, mes të cilëve edhe Presidenti i Republikës, Bujar Nishani marrin pjesë në Konferencën e OKB-së për Klimën, që zhvillohet në Paris nën masa të larta sigurie.
Në fjalën e tij Presidenti Amerikan Barak Obama tha se: “Kjo konferencë do të shërbeje si pikë kthese në përpjekjet botërore për të kufizuar rritjen e temperaturave në të ardhmen”.
Udhëheqësit e 147 vendeve të botës do të përpiqen të arrijnë një marrëveshje brenda dy javësh, me qëllimin për të reduktuar emetimin e gazit karbonik dhe kufizimin e ngrohjes globale me 2 gradë Celsius. Samiti i Klimës po shoqërohet me masa të larta sigurie për shkak të ngjarjeve të dy javëve më parë në Paris. Në nderim të viktimave presidenti amerikan Barak Obama vizitoi teatrin “Bataclan”, një prej vendeve që u sulmua nga terroristët.
Tv Klan