Viti 2014 ka qenë një vit i mbushur me histori të shumta, rozë. Lidhje të reja dashurie, ndarje, tradhëti, skandale në publik, ndarje nga jeta. Triumfues në art, muzikë, sport e shumë të tjera ngjarje që u klikuan nga miliona shqiptarë anembanë botës.
Shuhet mbretëresha e muzikës Vaçe Zela
Është shuar në moshën 74-vjeçare artistja e madhe shqiptare Vaçe Zela. Ajo ndërroi jetë më 6 Shkurt 2014 në Basel të Zvicrës, ku po kurohej prej vitesh nga një sëmundje e rëndë.
Shuhet në moshën 63 – vjeçare, Fadil Kujofsa
Fadil Kujofsa, që në kujtesën e shumë shqiptarve njihet si Cuku në filmin “Dy herë mat” u nda nga jeta më 31 Tetor të këtij viti, në moshën 63-vjeçare.
Lidhja e Angela Martinit me Ledri Vula-n
Modelja shqiptare Angela Martini dhe këngëtari kosovar Ledri Vula bënë bujë me lidhjen e tyre. Ledri krijoi edhe këngën “100 probleme” ku protagoniste është modelja Martini.
Lidhja e Ledri Vula-s me Danfina Zeqiri-n, por vetëm në muzikë?
Rikthimi i çiftit të dashur nga fansat mes Ledri Vula-j dhe Dafina Zeqiri-t nuk u prit shumë mirë, kur u kuptua se ishte vetëm në muzikë. Ata patën sukses me këngën e tyre “I got ur back”, por fansat vazhdojnë të shpresojnë në rikthimin e Dafinës dhe Ledrit edhe si çift.
Ergi Dini fitues i edicionit të 3-të të X -Factor Albania
Ergi Dini, i riu nga Shkodra ka qenë fitues i edicionit të 3-të të superspektaklit X-Factor Albania, i cili transmetohet në Televizionin Klan.
Bebe Rexha shqiptarja që po ngjit majat në Amerikë
Bleta Rexha, e njohur me emrin e artit si Bebe Rexha është shqiptarja nga Dibra e Madhe e cila po shkëlqen në muzikën amerikane. Mediat e huaja e kanë cilësuar si ylli i ri i muzikës moderne. 25- vjeçarja ka realizuar edhe 2 këngë në bashkëpunim me David Guetta-n dhe një tjetër me Pitbull.
Vjen në jetë djali i Kryeministrit, Zaho
Djali i dytë i Kryeministrit të Shqipërisë Edi Rama, Zaho ka ardhur në jetë më 25 korrik 2014.
Ndahet nga jeta “Doktor Flori”
Këngëtari i njohur i muzikës shqiptare Floran Kondi, apo siç njihej ndryshe “Dr. Flori” është ndarë nga jeta më 17 Nëntor të këtij viti. Mjekësia ligjore dha si shkak të vdekjes asfiksinë si pasojë e overdozës.
Martesa dhe shtatzënia e Nora Istrefit
Nora Istrefi ka kurorëzuar lidhjen e saj me partnerin Robert Berisha në shtator të këtij viti. 3 muaj më pas Nora dha lajmin ekskluzivisht në skenën e “Dance with Me” në Tv Klan, se priste fëmijën e parë.
Fenomeni “Kallashi”
Kërcimtarja e klubeve të natës nga Ferizaj, Donjeta Kosumi e njohur si “Kallashi” ka bërë bujë me daljen e saj në Zonë e Lirë. Ajo njihet për linjat sensuale dhe “promovimin” e aseteve të saj në rrjetet sociale.
Bleona Qerreti “befason” me fustanin prej rrjete
Këngëtarja shqiptare Bleona Qerreti shokoi showbizi-n botëror me daljen e saj në tapetin e kuq në American Music Awards 2014. Ajo kishte veshur një fustan rrjetë, ku kishte ekspozuar të gjithë trupin.
Jessie J vjen në Tiranë
Këngëtarja britanike Jessie J vjen në Tiranë, si e ftuar speciale në koncertin e mbajtur në Sheshin Nënë Tereza në përkujtim të 70-vjetorit të çlirimit të Shqipërisë.
Aurela Gace dhe Young Zerka fitojnë “Kënga Magjike 2014”
“Pa kontroll” triumfoi në mes 45 këngëve të përzgjedhura si krijimet më të mira për edicionin e 16 të “Kënga Magjike”. Kënga e Aurela Gaçes në bashkëpunim me Young Zerka mori edhe çmimin “Hit” në edicionin e 16-të të Këngës Magjike.
tvklan.al/K.P
