Nikaragua ka vendosur përfundimisht të ndërtojë në 5 vjet një kanal që do të lidhë 2 oqeanet, Atlantikun me Paqësorin.
Pavarësisht kundërshtive të forta për kostot ambientale, qeveria e këtij vendi synon që jo vetëm të konkurrojë kanalin e Panamasë – disa qindra kilometra më në jug, por në rradhë të parë të ulë varfërinë e madhe në vend.
Një pjesë e mirë e tij kalon në liqenin “Nikaragua”, resursi kryesor i vendit për ujë të pijshëm dhe njëkohësisht një nga kontributorët më të mëdhenj të zhvillimit ekonomik.
22 Dhjetori i këtij viti do të jetë dhe dita e nisjes së punimeve.
Projekti kap vlerën e 50 miliardë dollarëve dhe financohet tërësisht nga një kompani kineze me bazë në Hong Kong.
Kanali i ri do të jetë më i gjatë – në total 278 kilometra, më i gjerë dhe më i thellë se ai i Panamasë.
Sipas master-planit zhvillimor do të jenë dy porte gjigande në të dy hyrjet e tij, një aeroport dhe një zonë e lirë ekonomike kryesisht për kompanitë energjetike.
Parashikohet që 1 milionë persona të punësohen gjatë viteve të ndërtimit dhe periudhës së parë të funksionimit të kanalit.
Projekti parashikon uljen drastike të varfërisë, që aktualisht ka prekur 45% të popullsisë 6-milionëshe të Nikaraguas; ndërsa pritet një rritje me 11% e ekonomisë së vendit.
Tv Klan