Një sasi kanabisi e hedhur në një segment të lumit të Shushicës në Vlorë u gjet nga njësitë e forcës Delta dhe Policia e Vlorës. Droga ishte e ndarë në 21 thasë me 210 kg në total.
Policia dyshon se ajo është hedhur nga trafikantët që kanë qenë në dijeni për operacionin e forcave DELTA.
Ndërkaq në disa zona të tjera, policia ka konstatuar vatra zjarri në të cilat digjej lëndë narkotike.
Nga e gjithë sasia prej 210 kg kanabisi, ekspertët kriminalistë administruan për ekzaminim një sasi prej 30 kg.
Pjesa tjetër nuk plotësonte kushtet për ekzaminim. /
tvklan.al
