Paqeruajtësit francezë të Organizatës së Kombeve të Bashkuara, në Afrikën Qëndrore, akuzohen se kanë kryer abuzime seksuale dhe akte zoofilie me vajza të reja.
OKB -ja njoftoi ditën e enjte se ushtarët francezë, të angazhuar për rivendosjen e paqes në vend, në vitin 2014 kanë detyruar vajza të reja të kryejnë marrëdhënie seksuale me kafshët, në këmbim të një shume të vogël parash.
Të paktën 3 vajza pranuan se janë zhveshur forcërisht nga ushtarët francezë të operacionit Sangaris.
OKB ka hapur menjëherë një hetim për zbardhjen e akuzave të rënda, ndërsa Sekretari i Përgjithshëm Ban Ki-Moon është shprehur thellësisht i shokuar për ngjarjen.
I menjëhershëm ka qenë edhe reagimi i autoriteteve franceze për skandalin.
Ambasadori francez në Kombet e Bashkuar, Fronsua Dëlatrë, u zotua se Franca do të hedhë dritë rreth të gjitha akuzave që kanë përfshirë paqeruatësit francezë.
Ai tha se rastet e abuzimeve seksuale janë akte të urryeshme.
Paqeruajtësit e OKB –së janë akuzuar për abuzime seksuale me të miturit edhe më parë me 69 raste të denoncuara vetëm vitin e kaluar.
Tv Klan