Orët e paradites do të jenë nën ndikimin e motit të kthjellët në të gjithë territorin e vendit, herë pas here do të shfaqen kalime vranësirash të lehta. Më të dukshme në zonat jugore dhe juglindore të vendit. Gjatë orëve të pasdites do të ketë zhvillim të vranësirave në zonat malore jugore- juglindore duke rrezikuar rrebeshe shiu afat-shkurtër ndërsa pjesa tjetër e vendit do të dominohet nga kthjellime dhe vranësira të shpeshta.
Temperaturat e ajrit do të rriten lehtë në orët e mëngjesit në zonat veriore ndërsa mesdita nuk do të sjellë shumë ndryshim të temperaturave në vend.
Era do të fryjë e lehtë në tokë dhe mesatare në det duke arritur shpejtësinë 35 km/h nga drejtimi jugor dhe juglindor, kjo do të bëjë që në Adriatik dhe Jon të gjenerohet dallgëzim mbi 2 ballë.
Europa
Prezenca e dy qendrave me presion të ulët atmosferik përkatësisht në veri-verilindje të Europës do të kushtëzojë në këto rajone mot me vranësira dhe shira me intensitet të lartë, herë pas here shirat do të shoqërohen me stuhi ere të fortë. Po ashtu, gadishulli i Ballkanit do të jetë me mot të kthjellët dhe temperatura të larta gjatë paradites por pasditja do të rrezikohet nga rrebeshe shiu afat-shkurtër. Ndërsa moti i kthjellët do të jetë dominues për gadishullin Iberik, Europën Qendore si edhe ishujt britanike.
