Partizani shpreson kreun e renditjes

Asani: Po i marrim ndeshjet si finale


Synimi i shpallur është të bëhen më shumë pikë se kundërshtarët në një kampionat të cilin që prej rikthimit të Sulejman Starovës e konsiderojnë me tre faza por objektivi i fshehtë është sërish arritja e kreut të renditjes. E zbuloi në mënyrë të pavullnetshme mesfushori Jasis Asani në një konferencë për shtyp.

“Është ende faza e dytë për tu luajtur. Është shumë shpejt për të thënë që kampionati ka mbaruar për ne, pasi jemi duke u ringjallur dhe fitoret po vijnë. Besoj se do të arrijmë vendin e parë, pasi për ne nuk ka mbaruar kampionati dhe të gjitha ndeshjet janë finale.”

Të paktën matematika e lejon ende që lojtarët e Partizanit të ëndërrojnë për vendet e para në renditje, por kampionati është një rrugë me pengesa të paparashikueshme. Ajo e radhës është Teuta.

“Nuk ka rëndësi kundërshtari është Teuta apo dikush tjetër, ne do japim maksimumin.”

Partizani është në vendin e 6 në renditje me 18 pikë ndërsa Teuta  e ndjek në të shtatin me 15 pikë.

/Tv Klan

Kategori
SportTe funditTë gjitha
0 Komente

Përgjigju

*

*