Përbërësit:
Mish i grirë
Qepë e grirë në rende
Oriz
Nenexhik
Kripë
Piper
Një vezë
Qumësht
Gjalp
Miell
Majdanoz
Vaj ulliri
Përgatitja:
Në një tenxhere të vogël ziejmë për pak minuta 2 lugë oriz me pak ujë. Kur orizi të jetë gjysmë i zier, e heqim nga zjarri. Në një tas të thellë përziejmë bashkë mishin e grirë, qepën e grirë në rende, orizin gjysmë të zier dhe një lugë nenexhik.
I shtojmë masës dhe një të bardhë veze që të lidhet së bashku. Më pas, masën e ndajmë në topa të vegjël me dorë dhe i rrotullojmë pak në miell.
Në një tenxhere të madhe me ujë, ku kemi shtuar vajin ullirit dhe kripën, hedhim qoftet dhe i lëmë të marrin një valë.
Ndërkohë, përgatisim dhe salcën e badhë.
Në një tigan hedhim pak gjalp dhe shtojmë dy lugë miell, e zverdhim pak, më pas shtojmë me ngadalë qumështin dhe të verdhën e vezës, derisa të krijojmë një masë të lidhur.
Pasi qoftet kanë zier, shtojmë dhe salcën e bardhë në tenxhere. Gjatë servirjes në pjatë, i shtojmë pak majdanoz për dekorim./tvklan.al
