Problemet me shërbimin e urgjencave ,mungesa e qëndrave shëndetësore dhe mjekëve specializantë në disa rrethe të vendit duket se do të jenë prezente edhe në vitin 2015-të.
Në Komisionin për Ekonominë dhe Financat, Ministri i Shëndetësisë Ilir Beqaj ka prezantuar buxhetin e ri për shëndetësinë dhe i është përgjigjur pyetjeve të deputetëve.
Buxheti për Ministrinë e Shëndetësisë është 41.23 miliard lekë. Rreth 6 % më i lartë krahasuar me një vit më parë.
Projektligji për buxhetin 2015-të është diskutuar nen për nen edhe në Komisionin e Jashtëm.
Deputetët e Partisë socialiste kanë kundërshtuar rritjen e tatimit nga 10 në 15% për artistët , duke kërkuar që e tatimi për artistët të mbetet aq sa është aktualisht 10% .
Deputetët në komision kërkuan që me buxhetin e ri të përfshihet edhe rritja e pagës për trupin diplomatik.
Ndërsa përfaqësues nga Ministria e Jashtme thanë se kjo kërkesë mer zgjidhje nëse miratohet ligji i ri për shërbimin e jashtëm , I cili ka përfunduar,dhe javën që vjen dorëzohet në qeveri.