Kryeministri Edi Rama apelon për të qenë të vëmendshëm me votën në 18 qershor. Në ceremoninë e nënshkrimit të Paktit të Mirëqenies Sociale në shtëpinë e fëmijës “Zyber Hallulli” në Tiranë, Rama tha se të gjitha arritjet mund të zhbëhen nëse ndiqen ato që thuhen në çadrën e opozitës.
Rama: “
Nuk ma ha mendja se mund të vihet ne diskutim se çka bërë vota e viti 2013. Shumë janë bërë, por ka dhe shume që duhen bërë
”.
Akuzave për varfërinë në vend Rama u përgjigjet në këtë mënyrë.
“
Ka politikanë që dine të ngulin thikën në plagë, t’ju mbushin me mllef ndaj nesh, por vetëm ne mund t’ju shërojmë plagët dhe t’ju nxjerrim nga varfëria që nuk është më e trashëgueshme
”.
Analizës së arritjeve iu bashkuar edhe kryebashkiaku Veliaj. Ai u ndal tek reformimi i zyrave të punës.
“
Zyra e punës në Shqipëri, ishte selia e partisë në koalicion, e partisë me seli të madhe në qendër të Tiranës, që të shpërblente në varësi të mënyrës se si ishe sjellë në fushatë. Zyrat e punës që unë gjeta në atë kohë ishin në fakt apartamente të marra me qira për shokët e ministrit. Ja ku jemi sot: Në Tiranë kemi hapur 105 kantiere pune, ku janë punësuar rreth 10 mijë vetë, shumica e tyre prej zyrave të punës
”,
Ndërsa ministri në detyre Blendi Klosi, u ndal tek 3-fishimi i masës së ndihmës ekonomike , pas heqjes se abuzuesve nga skema.
Tv Klan