Ish-Ministri i Brendshëm Saimir Tahiri është ngarkuar sot nga Kryesia e Partisë Socialiste dhe kryeministri Edi Rama me detyrën e koordinatorit kombëtar për bashkëqeverisjen me qytetarët.
“
Do të nisim menjëherë punën në terren duke emëruar një koordinator kombëtar për bashkëqeverisjen, që do të jetë Saimir Tahiri, të cilit këtë detyrë sapo ia ngarkuam në Kryesinë e Partisë Socialiste
”, tha Kryeministri Rama në fjalën e mbajtur.
Rama tha se kjo platformë do të jetë një mekanizëm i gjallë njerëzish për të realizuar dhe për të bërë të mundur implementimin e tri pikave kyçe, sipas tij të dëgjesave publike.
Ai shpjegoi më tej se cilat janë këto pika dhe çfarë duan njerëzit.
“
Njerëzit duan pastrim të mekanizmit të shtetit nga të gjithë parazitët; shërbim për çdo nevojë dhe mbi çdo të drejtë, duan ndëshkim për të gjithë ata që bëhen pengesë për këto të drejta…Pra duan pastrim, shërbim dhe ndëshkim
”, tha Rama. /tvklan.al