Provimi i maturës shtetërore në Mamurras është shoqëruar me sherr dhe konfrontime fizike. Për pasojë, policia ka vënë në pranga 18-vjeçarin Floriol Myrta banues në Kurbin, maturant në Gjimnazin e Mamurrasit.
Sipas policisë, ky i fundit është arrestuar pasi është konfliktuar me administratorin e provimit duke ushtruar dhunë ndaj tij.
Në momentin e ndërhyrjes së policisë i riu ka kundërshtuar me forcë edhe efektivët .
Mbi maturantin rëndojnë akuzat për veprat “kundërshtimi i punonjësit të policisë së rendit publik” dhe “goditje për shkak të detyrës” .
Materialet do të referohen në Prokurorinë e Rrethit Gjyqësor Kurbin, për veprime të mëtejshme./tvklan.al
