Përbërësit:
300 gram sallatë jeshile
100 gram djathë parmixhano në feta të holla
2 feta bukë të bardhë
1 veze të zjerë
2 thelpinj hudhra
10 lugë vaj ulliri
1 lugë uthull e bardhë vere
1 lugë e vogël salcë Worcestershire
½ lëng limoni
Kripë e pipër sipas dëshirës
Përgatitja:
Në fillim përgatisim vetë salcën me të cilën do ta spërkasim sallatën.
Hedhim në mikser vezën, lëngun e limonit, uthullën, salcën Worcestershire, kripën e piperin, i shtojmë gradualisht vajin e ullirit dhe e përziejmë të gjitha për pak sekonda deri sa të formohet një masë në formë majonese, e njëtrajtshme.
Presim fetat e bukës në kubik të vegjël dhe i skuqim me pak vaj ulliri bashkë me hudhra të shtypura.
Pastrojmë sallatën jeshile, e presim hollë dhe e vendosim në pjatën ku do ta shërbejmë.
Shtojmë sipër saj kubikët e skuqur të bukës, feta të holla djathi parmixhano dhe salcën e përgatitur. Sallata është gati për tu shërbyer.
tvklan.al
