SHBA nis drejt Koresë 3 luftanijet më të mëdha në botë

Tre luftanijet më të mëdha amerikane do t’i bashkohen një operacioni të përbashkët stërvitor në Paqësor, për herë të parë pas një dekade.

Sipas

DailyMail

, luftanijet ‘Ronald Reagan’, ‘Nimitz’ dhe ‘Theodore Roosevelt’ do të ndërmarrin disa operacione të koordinuara në ujëra ndërkombëtare në një kohë që tensionet në Kore kanë arritur majat.

Komandanti i Flotës Paqësore të SHBA-së, Scott Swift, deklaroi se ky operacion tregon angazhimin serioz të Amerikës për sigurinë dhe stabilitetin në rajonin e Koresë.

Të mërkurën, presidenti i SHBA-së , Donald Trump, paralajmëroi Korenë e Veriut që të mos e “provonte” Amerikën, por u shfaq të ulte tonet luftarake duke i ofruar liderit të Pyongyang-ut “një rrugë drejt një të ardhme më të mirë”.

Luftanijet amerikane do të ndërmarrin stërvitje të mbrojtjes ajrore, mbikëqyrjen e detit si dhe një sërë operacionesh të tjera stërvitjeje.

Operacioni i stërvitjes do të zgjasë nga data 11 deri më 14 Nëntor.