Ka shkuar në 23 numri viktimave pas shembjes së një mbikalimi në ndërtim në Indi, mbrëmjen e djeshme.
Siç raportojnë mediat e huaja, mëngjesin e të premtes, rreth 67 njerëz janë nxjerrë të gjallë nga rrënojat e mbikalimit. Rreth 80 persona kanë mbetur të lënduar.
Mbikalimi ishte projektuar për të lehtësuar trafikun, por shembja e blloqeve të çelikut zuri nën vete një sërë biznesesh dhe njerëzish.
Operacioni për shpëtimin e njerëzve ishte i vështirë dhe policia e Kalkutës përdori qen dhe kamera për të gjetur njerëzit që kishin ngelur nën rrënoja.
Kontrata për ndërtimin e këtij mbilkalimi është nënshkruar në vitin 2007 dhe duhet të përfundonte brenda 2 vitesh./tvklan.al
