Shkencëtarët realizojnë një eksperiment të tmerrshëm

Njerëzit do të çonin me qejf në karrige elektrike një qenie njerëzore.

Të dhënat vijnë nga një studim i ri, që zbuloi se njerëzit janë ende tepër të bindur ndaj autoriteteve, edhe atëherë kur janë të ndërgjegjshëm se po bëjnë diçka të gabuar.

Siç shkruan e përditshmja “The Independent”, rreth 50 vite më parë, shkencëtarët realizuan një eksperiment për të testuar sesa të predispozuar do të ishin njerëzit nëse do inkurajoheshin për t’i dhënë shok elektrik një tjetër personi.

Ata simuluan sikur pjesëmarrësit po i jepnin shok elektrik tjetrit dhe subjektet besonin se po e bënin vërtetë një gjë të tillë. Gjatë kësaj kohe ata nuk ndaluan, ndonëse dëgjonin ulërimat e të tjerëve.

I njohur si eksperimenti Milgram, ai përcaktoi se njerëzit do të ishin të gatshëm të shkonin në ekstrem nën urdhërat e autoriteteve, duke vepruar edhe kur shkaktonin dëmtime apo edhe vdekjen e dikujt.

Psikologët rikrijuan të njëjtin eksperiment dhe dalluan se njerëzit janë po aq të bindur sa 50 vite më parë.

Studimi në fjalë u realizua nga Universiteti i Shkencave Sociale dhe Humanitare në Poloni.

Ekspertët thanë se kishin qenë kuriozë për të zbuluar se cilat do të ishin konkluzionet nëse ky eksperiment do të bëhej në Europën Qendrore.

Ata rekrutuan 80 pjesëmarrës, femra dhe meshkuj, të moshës 18 deri në 69 – vjeç. Atyre iu dhanë mbi 10 butona për të shtypur, ku secili prej tyre sinjifikonte nivel më të lartë shoku.

Niveli i bindjes mes pjesëmarrësve ishte i ngjashëm me studimin origjinal. Rreth 90 përqind e tyre ishin të gatshëm të shtypnin butonin që tejçonte më shumë shok elektrik.

Kjo ndryshonte disi kur njerëzit mendonin se po përçonin shok tek femrat.

Shkencëtarët thanë se të dhënat dokumentojnë që shoqëria nuk ka ndryshuar aq shumë nga sa mund të besohet./tvklan.al

Kategori
KurioziteteTe funditTë gjitha
0 Komente

Përgjigju

*

*





Emisione








Të Lidhura

  • Juventus marshon drejt titullit

    Juventus duket se do ta mbyllë sa më shpejt çështjen e titullit. Torinezët fituan përballjen e javës së 33 me Genoan me rezultatin 4 – 0, duke shtuar pikët...
  • Rritet Euro

    Monedha e Euros ka pësuar ndryshime, pas zgjedhjeve presidenciale që u mbajtën në Francë. Bëhet fjalë për rritje të vlerës, më e madhja që nga mesi i Nëntorit të...
  • Fitojnë ekipet e kreut

    Asnjë nga ekipet e kreut nuk dështoi në takimet e javës së 30. Kukësi mbetet i pathyeshëm në këtë kampionat. Skuadra e Ernest Gjokës mundi 4 – 1 Tiranën...
  • Përse duhet ngrënë lëvozhga e vezës

    Business Insider raporton se çdo vit, vetëm në SHBA industria e ushqimit është përgjegjëse për rreth 150 mijë ton humbje të lëvozhgave. Kur vjen puna tek vezët, lëvozhga padyshim që...