Skandali, goma e frigoriferë të përdorur shiten në treg kundër ligjit



Një ndër fenomenet e përhapura në vend është shitja e frigoriferëve apo gomave të përdorura të automjeteve. Emisioni “STOP” tregon se importi i këtyre dy produketeve të përdorura është i ndaluar me ligj. Por kjo nuk pengon që goma e frigoriferë të tregtohen lirshëm e kudo në Shqipëri. Në kamerën e fshehtë të emisionit “STOP”, tregtarët pohojnë se këtu gjen gjithçka, “vetëm nënë e babë jo”…?! Në përgjigje të interesimit të emisionit, drejtoria e doganave thotë se kjo nuk lejohet dhe është e gatshme të bashkëpunojë kundër fenomenit…

Emisioni “STOP” zbulon se ligji për ndalimin e importimit të lëndëve ozonholluese nuk zbatohet, pasi frigoriferët e përdorur importohen në Shqipëri.

Rasti I

STOP – Si jeni? Jemi të interesuara për një frigorifer, por ato që janë të përdorura.

STOP – Këto janë të përdorura këtu në Shqipëri, apo vijnë nga jashtë?

Shitësja – Me internet. Porosit djali, vjen maunia që vijnë ato dhe shkon djali direkt.

STOP – Është i përdorur? Nga kanë ardhur?

Shitësja – Gjerman është dhe ky, por ti nuk i do shumë të shtrenjta.

STOP – Këto që merrni ju nga jashtë, i sjellin me maune?

Shitësja – Me maune vijnë. Po të rri me mbeturinat e këtushme, unë s’mbaja dyqan 50.000 lekë, biri im. Shiko c’mall kam unë.

Rasti II

STOP – Si jeni? Ne na duhet një frigorifer, por e duam të jetë i huaj, jo prodhim nga këtu.

Shitësi – Nga jashtë ka ardhur, s’e di.

STOP – Nga jashtë?

Shitësi – Po.

STOP – Çfarë prodhimi është ky?

Shitësi – Nga Gjermania kanë ardhur.

STOP – Kanë ardhur kështu, të përdorura?

Shitësi – Të përdorura, po.

Rasti III

Shitësja – Ky ka ardhur nga andej, ai është përdorur në Shqipëri.

STOP – Nga vijnë?

Shitësja – Nga Gjermania, Italia. Italia më shumë…

Rasti IV

Shitësi – Ky është grek.

STOP – Nga ka ardhur ai?

Shitësi – Nga Greqia, që të jesh në rregull. Nuk është vendi, ky është grek. Unë i sjell nga Greqia këto.

 

Por ky nuk është ligji i vetëm që nuk zbatohet, gomat e përdorura të automjeteve gjithashtu nuk lejohen të importohen në Shqipëri sepse përbejnë rrezik.

Rasti I

STOP – Si je? Do më ndihmosh pak me këtë… kam një makinë BMW, se s’marr vesh nga gomat.

Gomisti – 205-55-16, të përdorura apo të reja?

STOP – Të përdorura, por të jenë të mira, nga këto që i merrni ju nga jashtë, nga i merrni?

Gomisti – 35 mijë lekë.

STOP – Janë nga këto ë vijnë nga jashtë?

Gomisti – Po, po, nga jashtë.

STOP – Nga janë këto? Nga vijnë?

Gomisti – Nga andej pra, nga jashtë.

Rasti II

STOP – Ne interesohemi për dy goma, m’i ka shkruajtur burri këtu, se nuk marr vesh, por i dua të përdorura dhe të vijnë nga jashtë.

Gomisti – Po, normal, nga Gjermania i kam.

STOP – Nga Gjermania? Se na thanë që nuk ka prandaj.

Gomisti – Nonë e babë nuk gjen më , po kshu ke, të thashë t’i montoj, t’i çentroj, 75 mijë lekë.

Rasti III

STOP – Interesohem për nja dy goma.

Gomisti – Të përdorura, apo të reja?

STOP – Të përdorura.

Gomisti – Për momentin vetëm një kam.

STOP – Mirë që i duam të përdorura, por që të kenë ardhur nga jashtë.

Gomisti – Jo, ashtu s’kam.

STOP – S’ke ë?

Gomisti – Më mirë të them të drejtën, se… e di ku është problemi, po të kontrollosh nuk është se nuk gjen.

Rasti IV

STOP – Të përdorura, por i dua nga këto që vijnë nga jashtë.

Gomisti – Nga jashtë, i merr vetë çuni nga Zvicra.

STOP – Nga Zvicra?

Gomisti – Po, po! Nga Zvicra. Gjithë gomat janë nga Zvicra.

STOP – E sa shkojnë këto?

Gomisti – 80 mijë lekë çifti.

STOP – E rëndësishme është që të jenë nga këto që vijnë nga jashtë, kupton? Se na kanë thënë që s’ka më.

Gomisti – Tani, unë s’dua të të gënjej ty, ja ku i ke.

Rasti V

STOP – Interesohem për nja dy goma, por i dua të përdorura, që vijnë nga jashtë.

STOP – Gjermania? Se na thanë që nuk ka fare kështu, shyqyr që gjetëm. Këto nga Gjermania the?

Gomisti – Të gjitha, gjithë malli vjen nga Gjermania.

 

Gazetarja e emisionit “STOP” iu drejtua Drejtorisë së Përgjithshme të Doganave për të marrë një përgjigje se si është e mundur që frigoriferët dhe gomat e përdorura importohen edhe pse janë të ndaluara me ligj. Në përgjigjen e marrë nëpërmjet një emaili, Dogana sqaron se importimi i lëndëve ozonholluese në Shqipëri, ku bëjnë pjesë frigoriferët dhe sidomos ata të përdorurit, është i ndaluar me ligj dhe kanë shprehur gadishmëri për të bashkëpunuar për çdo rast që konstatohet. Ndërsa, për sa i përket gomave të përdorura, dogana saktëson se lejohet importimi i tyre vetëm për çështje riciklimi dhe përpunimi, por jo për shitjen e tyre në treg./tvklan.al

 

 

Kategori
AktualitetTe funditTë gjithaVideo
0 Komente

Përgjigju

*

*