Skandalet me librat shkollorë të zbuluara nga emisioni investigativ “Stop” dhe gazetarët e Televizionit Klan kanë mbërritur edhe ne parlament.
Libri i dijes që në përmbajtje jep informacione të detajuara mbi marrëdhëniet seksuale dhe mënyrën e riprodhimit që u shpërnda klasave të treta në shkollën “Kongresi i Manastirit” dhe lënda e vendlindjes ku thuhet se kryetar i bashkisë së Tiranës është Edi Rama dhe në qeveri është ende Sali Berisha, kanë ngjallur diskutime ne komisionin e medias.
Por opozita, e bëri përgjegjëse ministrinë për skandalin me tekstet.
“Ministrja, drejtoresha, sipas hierarkisë, të gjithë duhet të mbajnë përgjegjësi. Libri i dijes për klasat e treta është i turpshëm”, tha Albana Vokshi e PD-së.
Për librin e dijes, u pezullua nga detyra drejtoresha e shkollës “Kongresi i Manastirit”. Ndërsa për librin e vendlindjes, nuk ka ende ndonjë vendim nga drejtoria arsimore.
Tv Klan
