Tërmeti tund sërish Tepelenën: Rama të rrojë sa malet!

Kryeministri Rama u ndal sot në Tepelenë, në atë që e ka quajtur “turi i llogaridhënies”.Rama bëri humor me kryebashkiakun Tërmet Peci, duke kujtuar sloganin e fushatës së tij “Tërmeti e vetmja rrugë për Tepelenën”.Ndërsa ky i fundi ia shpërbleu, duke e i uruar të rrojë sa malet…?!

Avokatja humb gjyqin e mashtron qytetaren: Kam çuar letrat në hipotekë.

Urani Dhima tregoi në emisionin “Stop” sesi u mashtrua nga avokatja Alma Bala, të cilën e pajtoi për një problem pronësie.

“U interesova, mora një avokate, Alma Balën. Ajo mori përsipër të bënte gjyqin. Vazhdoi gjyqi në Lushnje, mbaroi dhe e hodhën në Vlorë. Atje ka mbaruar në muajin Janar 2017. Avokatja mua më thoshte që nuk ka mbaruar. Më thotë në muajin Maj që gjyqi mbaroi, ka ardhur vendimi dhe tani do regjistrohen te Hipoteka. Më thotë që duhen 835 mijë Lekë (të vjetra) për këto letra, 500 mijë Lekë për regjistrim ndërtese, 300 mijë Lekë për tokën dhe 5 mijë Lekë për atë që do bënte letrat. Ia jap lekët se e besova, kur një ditë ajo ma mbyll derën dhe nuk më pret më”, rrëfeu denoncuesja.

Ndaj dhe Urani Dhima vendosi të shkonte të interesohej vetë për ecurinë e çështjes gjyqësore, por u përball me një të vërtetë të hidhur.

Më datë 09.12.2015, Gjykata e Shkallës së Parë dhe Gjykata e Apelit më datë 25.01.2017, kishin vendosur rrëzimin e padisë, por avokatja e kishte gënjyer dhe i kishte marrë para për t’i regjistruar pronën në Hipotekë, një veprim që nuk mund të kryhej, pasi binte në kundërshtim me vendimin e gjykatave.

“Këtë dua të di unë! Pse më ka gënjyer për një vit të tërë?!”, u shpreh e shqetësuar denoncuesja.

Urani Dhima u përball me avokaten dhe nëpërmjet kamerës së fshehtë të emisionit “Stop” provoi që kjo e fundit vijonte ta gënjente.

Qytetarja – Çfarë do bëjmë, në dreqin do vejë?!

Avokatja Alma Bala – Po ik tani! Mbarova unë ato që kisha për të bërë, të miat, se tani hallet nuk mbarojnë, po të paktën…

Qytetarja – Mbarojnë, po kur?

Avokatja Alma Bala – Mbarojnë, domethënë këtu jam unë. Do të marr unë nesër në telefon. Këtu jam unë, nuk lëviz më!

Qytetarja – O, Alma! Unë nuk kam më durim!

Avokatja Alma Bala – Ik tani! Nesër do të marr vetë në telefon.

Qytetarja – Mos më thuaj ik!

Avokatja Alma Bala – Po ik tani! Unë kam respekt për ty, që të them ik!

Qytetarja – Dale, të llafosemi 5 minuta!

Avokatja Alma Bala – Po, po!

Qytetarja – Ose 2 minuta, sa të llafosemi! Më the për vendimin e gjyqit, që e kam marrë.

Avokatja Alma Bala – Tani, të gjitha këto i ke të bëra, i kam unë dosjet në shtëpi, ti më ke gjetur dy herë duke qenë në zyrë. Do të marr vetë në telefon edhe kaq! E kam vetë dosjen në shpi.

Qytetarja – Puna e gjyqit, qysh ishte?

Avokatja Alma Bala – Është e mbaruar, po ik, se kam dosjen në shpi tashi!

Qytetarja – Unë kam marrë vetë vendimin e gjyqit. Vendimi i gjyqit ka mbaruar. Nuk kam fituar. Pse më gënjen?

Avokatja Alma Bala – O, ti, do ikësh tani?!

Qytetarja – Po pse më gënjeve, se ke marrë gjithë ato lekë? O Almaa…

Avokatja Alma Bala – O Urani, do ikësh tani?!

Qytetarja – Pse m’i ke marrë lekët?

Avokatja Alma Bala – O Urani! Nuk të merrem, ik tani do marrësh ato të hipotekës, që të duhet dhe rri e qetë!

Qytetarja – Po kur do t’i marr unë ato?

Avokatja Alma Bala – Ja, do të thërras unë nesër!

Qytetarja – Kur do më thërrasësh?

Avokatja Alma Bala – Nesër, do të thërras unë të thashë! Nesër! Unë tani sa erdha. Nesër do të thërras unë edhe do ta shikosh Hipotekën, e ke marrë apo s’e ke marrë, se s’të merr njeri… Lërë moj ti se unë ça ta kam bërë ti tani… Kam vajt unë para teje, rri e qetë se do të marrë unë të thashë, do të marr unë më vonë thash. Do të marrë unë thash ça ke e kam marrë unë përsipër këtë, do ta çoj unë deri në fund.

Duke u bazuar në fjalët e avokates Alma Bala, gazetarja e emisionit “Stop” iu drejtua Zyrës Vendore të Regjistrimit të Pasurive të Paluajtshme Lushnje për të pyetur nëse ka nisur procedura për certifikatën e pronësisë. Juristja e këtij institucioni, Elfrida Bilbili deklaroi se nuk ka asnjë aplikim në emër të zonjës Dhima, apo përfaqësueses së saj ligjore.

Por avokatja Alma Bala, e pyetur nga gazetarja, u shpreh se e kanë humbur procesin gjyqësor, ndaj dhe nuk ka paraqitur dokumentet në ZVRPP. Ajo gjithashtu mohoi të ketë marrë para nga denoncuesja, pasi këmbënguli në faktin që gjyqet i kanë humbur.

(Pa)siguria ushqimore, produkte të skaduara e jashtë kushteve.

Emisioni “Stop” iu rikthye problemit të sigurisë ushqimore. Përmes një vëzhgimi të kamerave të fshehta rezultoi se thuajse të gjitha supermarketet mbajnë produkte jashtë standardeve. Produkte si kosi apo vezët gjenden jashtë afatit të skandencës ose pa barcode.

Supermarketi 1

Qytetarja – Vajza, më fal! Këto vezët që janë këtuuu…?

Punonjësja – Me 10 lekë.

Qytetarja – Me 10 lekë janë, poo… apo s’ka të hapura në frigorifer?

Punonjësja – Jo, vetëm këto janë të hapura.

Qytetarja – Po pse s’janë në frigorifer ato?

Supermarketi 3

Qytetarja – Këto produktet, që thonë për t’u mbajt në frigorifer, ka ndonjë problem qëëë..?

Punonjësja – Jo! Përderisa, ne i kemi vendos aty…

Qytetarja – Se për shembull ne që i marrim këto për fëmijë të vegjël, i bëjmë me supë orizi, i marrim me një çikë merak, ose vezët për shembull, apo thuaj varet nga veza? Se qumështin, po e po.

Supermarket 5

Qytetarja – Vajza unë këtë e mora, por shiko një çikë tani, se mua më bëri shumë përshtypje kjo pjesa këtu. E pashë edhe për datë skadence, nuk kishte. Unë i mora gjithsesi, po…

Punonjësja – I more ti, po… do shohim, si do kalojnë sepse s’kanë barcode.

Qytetarja – Pashë dhe këtë të skadencës, sepse s’kishte as datë dhe asnjë gjë.

Punonjësja – I kanë hequr klientët paketimin se kjo ka barcode-in e vet dhe atë të skadencës.

Qytetarja – Po të gjitha? Se të gjitha njëlloj ishin, paaa…

Punonjësja – Po të gjitha janë të hequra, po!

Supermarketi 6

Qytetarja – Vajza qenka thy kjo veza. Sa janë këto vezët?

Punonjësja – Këto, me 60.

Qytetarja – Se këto vezët tani, me këtë kohën, na helmojnë naaa…

Punonjësja – E di, të gjitha ashtu. Të gjitha po të rrinë jashtë frigoriferit të helmojnë, se është vapë.

Qytetarja – Po pse i mbani jashtë atëherë?

Punonjësja – Këtu më kanë thënë që t’i lë, këtu i kam lënë.

Qytetarja – Po këto ëmbëlsirat?

Punonjësja – Këto, në fakt duhen në frigorifer!

Qytetarja – Ngaqë nuk janë në frigorifer dhe kam hallin, se…

Punonjësja – Ato, që rrijnë jashtë frigoriferit, të them të drejtën, nuk i ha fare.

Qytetarja – Ti?

Punonjësja – Jo!

Qytetarja – Se për shembull janë gjithë këto produkte, që duhet të rrinë në frigorifer dhe i gjej jashtë.

Punonjësja – Eh..! Unë, në fakt jam e re dhe atyre u kam thënë, që kështu klientët thonë dhe për vezët, që duhet të rrinë brenda, po thonë, që nuk ja.., po t’i lemë atje, i duan këtu, këtu nuk i nxe edhe i kanë lënë këtu.

Supermarketi 7

Qytetarja – Vajza nga këto kosat e frutave, që janë jashtë janë me ofertë? Sa kohë ka që janë kështu?

Punonjësja – Po kaaa.., dje i kemi vënë, mbrëmë, mbasdite, kur erdhën.

Qytetarja – Po kjo margarina, është me ofertë, që është jashtë?

Punonjësja – Po, goca!

Qytetarja – Kam hallin pse janë jashtë, prandaj po të pyes.

Punonjësja – Pse në marketet e tjera, nuk i ke parë jashtë apo s’ke qenë?

Qytetarja – S’kam qenë se s’është se rri ktej, prandaj.

Supermarketi 8

Qytetarja – Si je? Këto kosat e frutave këtu, janë me ofertë?

Punonjësja – Po, ja ku e ke të vendosur çmimin aty.

Qytetarja – Po ngaqë janë të vendosur jashtë frigoriferit, prandaj.

Supermarketi 9

Qytetarja – Vajza, këto kosat e frutave, pse janë jashtë, a janë me ofertë?

Punonjësja – Në ofertë, 100 lekë janë.

Qytetarja – Ngaqë janë jashtë këto, si ka mundësi?!

Punonjësja – S’kemi ku i mbajmë, ja ku i ke, kjo pjesa këtu i mban të freskëta.

Supermarketi 11

Qytetarja – Kjo është e datës 17.05.2018 data sot është 16, ndërsa kjo është 15.05.2018.

Punonjësja – Sa është data sot?

Qytetarja – 16!

Punonjësja – 16 është data sot?

Qytetarja – Sepse unë e pashë, para se të ta sillja, ja ku e ke ja, 16 është data sot.

Punonjësja – Mirë që më the të iki t’i heq!

Këto janë produktet që ne konsumojmë përditë…