Presidenti Recep Tayyip Erdogan është zotuar për t’ia prerë kokën tradhtarëve, në një fjalim emocional të mbajtur përpara mijëra personave, në përvjetorin e parë të grushtit të dështuar ushtarak.
Duke folur përpara turmës gjigante të mbështetësve, Erdogan tha se tentativa për të rrëzuar udhëheqjen e tij prej më shumë se një dekade “
nuk ishte sulmi i parë kundër vendit tonë dhe nuk do të jetë i fundit”.
“Ekzaktësisht një vit më parë si sot, rreth kësaj ore, u ndërmor një akt i pabesë”
, tha ai.
Ndërsa duke iu referuar një seri sulmesh terrori që goditën Turqinë po gjatë vitit të shkuar, ai shtoi:
“Për këtë arsye, do t’u presim kokën këtyre tradhtarëve”.
Erdogan mori pjesë në një marshim të bashkuar kombëtar në Stamboll, në urën e Bosforit, për të kujtuar 250 personat që humbën jetën një vit më parë në këtë ditë, në përpjekje për t’i bërë rezistencë grushtit të shtetit.
I shoqëruar nga familja e tij dhe familjet e viktimave, ai inauguroi një monument në formë globi me emrat e gdhendur të viktimave në të.
Ura ishte vendi i përplasjeve mes civilëve dhe ushtarëve me tanke. Të paktën 30 persona humbën jetën aty dhe mbi 2 mijë të tjerë u plagosën nëpër Turqi gjatë kësaj tentative. 35 persona që akuzohen se ishin pjesë e grushtit të dështuar mbetën gjithashtu të vrarë./tvklan.al
