Ekipet e shpëtimit në pjesën jugore të Kalifornisë edhe sot i kanë vazhduar përpjekjet për gjetjen e të mbijetuarve, pas rëshqitjeve të dherave përgjatë vendbanimeve bregdetare.

Autoritetet në Santa Barbara kanë konfirmuar se 17 vetë kanë humbur jetën, ndërsa 17 të tjerë konsiderohen të zhdukur. Janë lënduar 28 vetë.

“Kapacitetet tona janë të fokusuara në përcaktimin nëse dikush është ende gjallë në të gjitha këto struktura që janë dëmtuar”, tha sherifi në Santa Barabara, Bill Brown, raporton agjencia Reuters.

Afro 500 pjesëtarë të shërbimeve të shpëtimit po i përdorin qentë e trajnuar, helikopterët ushtarakë dhe pajisjet për fotografim termik.

Nga rëshqitja e dherave janë shkatërruar afro 100 shtëpi dhe qindra struktura të tjera, kanë thënë zyrtarët në Santa Barbara./REL