Kryetari i Bashkisë së Tiranës, Erion Veliaj tha se Partia Socialiste po shkonte drejt mandatit të 18-të nga 34 që ka Qarku i Tiranës dhe se festimet për fitoren do të bëheshin ditën e martë.
“Them se ne do të kemi një mandat të 18-të (në Tiranë) me PS, që do të jetë një rekord. Na jep një mandat për të vazhduar për të punuar”
, tha Veliaj, teksa foli për gazetarët nga selia e rozë.
Veliaj tha se disa zona në Tiranë për herë të parë kanë votuar majtas.
“
Në fakt ne na rezulton se në disa zona tipike të djathta, po të stërdjathta, si zona e Pazarit të Ri, si rrugica e Njësisë 8, si rruga Fortuzi, pra disa nga lagjet që kanë themeluar PD-në, për herë të parë kanë votuar majtas.
”
I pyetur për festimet jashtë selisë së PS-së, Veliaj tha se gjithçka ishte e paorganizuar, “të organizuara do të jenë nesër.”/tvklan.al
