Këngëtarja Barbana Dini i është rikthyer skenës pas një shkëputje të gjatë pas vdekjes së vëllait të saj, po ashtu këngëtar Ergi Dini.
E ftuar në emisionin Rudina në Tv Klan, Barbana ka rrëfyer rikthimin në skenë duke e quajtur atë vendimin më të vështirë në jetë. “Njeriu do ta bëjë dhimbjen pjesë të jetës së tij, por jo të bëhet rob i saj” tha këngëtarja, sytë e së cilës nuk e fshihnin dot dhimbjen për humbjen e vëllait.
“
Pas gjithë këtyre gjërave që kanë ndodhur, ky ishte vendimi më i vështirë në jetën time. Por fatkëqsisht njeriu duhet të gjejë forcën për të ecur përpara. Njeriu do ta bëjë dhimbjen pjesë të jetës së tij, por jo të bëhet rob i saj. Është shumë e vështirë për mua të flas për këtë temë. Shumë njerëz më shkruajnë, kërkojnë ndihmë prej meje dhe dua që zëri im të thotë diçka
” tha Barbana.
Këngëtarja tha se tashmë do të vijë në treg me këngë të cilat përcillin mesazhe.
“
Arti është mënyrë të shprehuri edhe pse sot ka marrë një tjetër formë, spuntoja për të vazhduar ka qenë Ergi. Do të jem fansja e tij më e zjarrtë për atë që ai arriti të bëjë. Dua që të paktën këngët që do bëj të kenë një mesazh dhe njerëzit të ngushëllohen me fjalët e mija. Nganjëherë nuk e kuptojmë vlerën e një fjale. Jetojmë në një botë të prirur drejt falsitetit, por njerëzit duhet të kuptojnë vlerën e fjalës për një njeri. Të ngushëllosh është art më vete” tha Barbana
. /
tvklan.al