Kryetari i Kuvendit Gramoz Ruçi njoftoi të enjten se mbledhja për vlerësimin e kërkesës së Prokurorisë për heqjen e imunitetit dhe dhënien e autorizimit për arrestimin e deputetit Saimir Tahiri do të mbahet nesër në orën 11:00.
Ruçi tha se ditën e enjte në orën 17:00 ka marrë kërkesën e Prokurorisë së Tiranës për dhënien e autorizimit për ndalimin e deputetit Saimir Tahiri.
“Mbasi u konsultova me stafin e Kuvendit… nxjerr këtë urdhër me këtë përmbajtje.
-
Materiali i depozituar pranë Kuvendit nga ana e Prokurorisë së Tiranës t’u vihet në dispozicion brenda ditës së sotme të gjithë anëtarëve të këshillit të rregullores imunitetit dhe mandateve.
-
Po kështu, ky material brenda ditës së sotme t’i vihet në dispozicion edhe deputetit Saimir Tahiri.
-
Brenda ditës së nesërme, pra në datën 20, në orën 11: 00 pranë selisë së Kuvendit kam urdhëruar thirrjen e Këshillit të Rregullores, imunitetit dhe mandateve.
-
Njoftimin e Prokurorit të Tiranës dhe deputetit Saimir Tahiri për vendin, për kohën dhe rendin e ditës së kësaj mbledhjeje.”/tvklan.al