Ditën e djeshme artisti i madh Aleksandër Lalo u nda nga jeta papritur si pasojë e një ataku kardiak.
Humbja e kompozitorit Lalo, ishte një lajm që shkaktoi dhimbje. Me veprën e një artisti gjenial, i cili nuk bënte kompronise, ai i dha muzikës shqipe krijmtari pafund që nga këngët, muzika e dhomës, ajo sinfonike, e deri tek kolanat e mrekullueshme zanore.
Sot, Rudina Magjistari e nisi emisionin me ngushëllimet për artistin Lalo.
Përmes një inserti, Magjistari riktheu në vëmendje performancën e fundit të Aleksandër Lalos, më 14 Nëntor 2017, në ceremoninë e “Çmimeve Kult”, ku kompozitori improvizoi në piano një këngë të fëmijërisë.
Krijimet e Lalos janë të paharrueshme që nga pjesëmarrja në festival me këngë të paharrueshme, si “Kur jemi bashkë të dy” dhe “Kompozitori dhe fëmijët”- Luan Zhegu”, “Gëzimin njerëzve ua shtoj” – Liliana Kondakçi, etj, dhe veçanërisht në kolanat zanore të filmave si “Dimri i fundit”, “Treni niset në shtatë pa pesë”, “Shi në plazh”, “Dy herë mat”, “ Vajzat me kordele të kuqe”, “Tingujt e harresës”, “Era e ngrohtë e thellësive”, “Emblema e dikurshme”, “Një gjeneral kapet rob”, etj.
/tvklan.al
