Në këto pamje të ardhura në redaksinë e
www.tvklan.al
, në rubrikën “Kallëzo”, tregohet dëmi i madh që i është bërë fushave të Delvinës.
Sipas banorëve të fshatit Vllahat të këtij qyteti, flakët kanë përfshirë rreth 9 hektarë tokë të mbjella me ullinj 4 – vjeçar.
Në videot e ardhura në redaksinë tonë mund të dallohet fare qartë dëmi që u është shkaktuar këtyre fushave.
Banorët dyshojnë se zjarri është vendosur qëllimisht. Sipas tyre, pas këtij veprimi mund të fshihen barinj të zonës.
Zjarrvënia ndodhi të martën rreth orës 12:00 të mesditës dhe flakët vijuan të përhapeshin deri në orën 16:00 të pasdites. Banorët kontaktuan zjarrëfikësen e Sarandës për t’u ardhur në ndihmë, por sipas tyre, kjo e fundit nuk erdhi në kohë, duke u justifikuar se nuk dinin vendin apo se do të ndërhynin nëse zjarri do të rrezikonte shtëpitë përreth.
Mbetet e paqartë se cila mund të jetë arsyeja e dëmtimit të një hapësire të tillë me vreshta ullinjsh./tvklan.al
https://www.youtube.com//embed/ckO1fxUrKLc
