Viti i Ri 2017 ka mbërritur edhe në Australi. Mijëra njerëz shijuan spektaklin e fishekzjarreve në Sydney.
Më herët Auckland në Zelandën e Re ishtë qyteti i parë i madh në botë që e mirëpriti i pari 2017 – ën. Fishekzjarret shpërthyen nga kulla 328 metra e gjatë, Sky Tower, në qendër të qytetit.
Polinezia dhe ishujt e Paqësorit, përfshirë Samoa, Tonga dhe Kiribati pritën gjithashtu Vitin e Ri.
Shumë qytete nëpër botë kanë ndërmarrë masa të rrepta sigurie në prag të festimeve të ndërrimit të viteve, pas një viti ku terroristët u futën më kamion mes turmave të njerëzve në Berlin e Nice.
Në Paris, Madrid dhe New York janë vendosur barrier betoni e makina të rënda që do të përdoren për të bllokuar hyrjet në qendrat kryesore ku mblidhen turmat e njerëzve për të festuar.
Vitin e shkuar, festimet në Europë u eklipsuan gjithashtu për shkak të mungesës së sigurisë. Në Paris e Bruksel, qytete të cilat patën edhe sulmet më të mëdha terroriste përgjatë 2015 –ës, festimet zyrtare u anuluan.
Këtë vit, 2017 do të vijë një sekondë më vonë se zakonisht, për shkak të rrotullimit të ngadaltë të Tokës. Kjo do të ndodhë në Europë, Afrikë, Amerikën Veriore e Antarktidë.
Ky sekondë ekstra do të ndodhë në mesnatë, kur ora të shënojë 23:59:60./tvklan.al
