Partizani u ndal në Shkodër në barazim 1-1 nga Vllaznia dhe tashmë ndan sërish kreun e renditjes me pikë të barabarta me Kukësin.
Ndeshja në Loro Borici ishte e luftuar. Në mesin e pjesës së parë shtylla i ndali avantazhin partizanit. Në të 70, Hebaj sakrifikoi deri në fund dhe për një moment u duk se goditja e tij përfundoi në rrjetë por topi doli jashtë.
Hebaj e gjeti golin pak minuta më vonë. Nuk zgjati shumë dhe Partizani barazoi me Ekuban, i cili goditi nga jashtë zone. Ndeshje e madhe për Vllazninë, e cila një javë më parë i dha kryesimin partizanit ndërsa këtë të diel i largoi të kuqtë nga kreu.
Në Gjirokastër Flamurtari fitoi 2-1. Vendasit gjetën të parët avantazhin me golin e bregut. Barazoi Shkodra dhe penalltia e Telushit i dha trepikëshin vlonjatëve.
Mesa duket 11-metërshi i akorduar për flamurtarin nuk është kapërdirë nga traineri Milinkoviç i Luftëtarit, i cili i ka paraqitur dorëheqjen presidentit të klubit. Edhe ky i fundit, i indinjuar me vendimet e arbitrave ka njoftuar nëpërmjet zëdhënësit për shtyp se do të takojë gjatë javës teknikun dhe nëse ai nuk kthehet në detyrë do të largojë skuadrën nga Superliga.
Superliga Renditja
1 Kukësi 59
2 Partizani 59
3 Skënderbeu 56
4 Vllaznia 37
5 Luftëtari 36
6 Tirana 32
7 Teuta 32
8 Laçi 29
9 Flamurtari 28
10 Korabi 12
/Tv Klan
