Xhihani jep lamtumirën: Nuk jam më derisa…



Aktori i njohur turk, Erkan Petekkaya, u ka dhënë lamtumirën rrjeteve sociale pas disa problemeve që ai thotë se ka përjetuar me llogarinë e tij.

Ai tha se llogaria e tij ndjek njerëz që nuk i njeh, heq nga lista e ndjekësve disa të tjerë dhe pëlqehen postime jashtë iniciativës së tij.  Aktori i njohur për rolin e Xhihanit në serialin “Fate të Kryqëzuara” me anë të një postimi në Instagram tha se nuk do ta përdorë këtë rrjet social derisa të zgjidhen këto probleme.

Petekkaya  po ashtu nënvizoi se nuk ka llogari në Facebook dhe u kërkoi të gjithë ndjekësve të qëndrojnë larg llogarive false të hapura me emrin e tij.

“Llogaria ime ka disa probleme, duket sikur ndjek njerëz që nuk i njoh, ndërsa disa të tjerë hiqen nga lista e ndjekësve, disa postime pëlqehen jashtë iniciativës sime. Derisa ky problem të zgjidhet nuk do ta përdor më llogarinë në Instagram. Gjithashtu, unë nuk përdor Facebook, ju lutem të qëndroni larg llogarive false të hapura me emrin tim. Respekte!”

Aktori 46-vjeçar, një ndër më të pëlqyerit, ka 1.1 milionë ndjekës në Instagram. /tvklan.al

Kategori
ShowBizTe funditTë gjitha
0 Komente

Përgjigju

*

*