Zbulohet identiteti i dy vajzave misterioze që u kapën dje nga kamera e Televizionit Klan duke bërë plazh brenda ambienteve të rezidencës shtetërore në Dhërmi. Bëhet fjalë për Bonita P dhe Eglantina Ferraj, të dyja punonjëse të Drejtorisë së Shërbimeve qeveritare, vartëse të Kamelia Vojkës, e cila i refuzoi Presidentit të Republikës qëndrimin në këtë rezidencë.
Dy vajzat e reja, edhe pse duhet të ishin në orar pune, e kanë shpërfillur atë, duke bërë disa orë plazh, brenda territorit të lakmueshëm të rezidencës së Dhërmiut. Madje pasi e kanë kuptuar që po filmoheshin janë munduar të fshihen pas një çadre plazhi, madje njëra prej tyre ka urdhëruar gardistin e rezidencës të largojë grupin e xhirimit të Televizionit Klan, pasi mesa duket, u prishi orët e relaksit.
Shpërdorimi i hapur i detyrës nga punonjës të Drejtorisë së Shërbimeve Qeveritare, të cilat edhe pse ishin atje për punë, nuk kanë përtuar të marrin ca rreze dielli, vjen në një kohë kur shefja dhe shoqja e tyre Kamelia Vojka, bëri të pamundurën për t’i mohuar Presidentit të Republikës të drejtën e qëndrimit, jo vetëm në rezidencën e Dhërmiut, por dhe në atë të Vlorës. Duke shpikur shkaqe dhe motivacione banale.
Edhe Garda e Republikës ka shkelur rregulloren në rastin e dy vajzave të Kamelias, pasi rregullorja e rezidencës në fjalë, nuk lejon këdo ta shfrytëzojë atë. E për më keq akoma, nga punonjës shtetit të cilët duhet të jenë në krye të detyres.
Një kontroll i imtësishëm për të gjithë proceduren e ndjekur nga Drejtorja e Shrëbimeve Qeveritare me rastin e të drejtës së mohuar për kreun e shtetit, po kryhet.
Dhe shkelësit e ligjit për Protokollin e Shtetit, si dhe vendimit të Këshillit të Ministrave për trajtimin e krerëve të shtetit do të mbajnë përgjegjësi penale.
Tv Klan
