Një 14-vjeçar në Alabama të Shteteve të Bashkuara të Amerikës rrëfeu vrasjen e 5 anëtarëve të familjes së tij.
Sipas mediave atje, adoleshenti i mori jetën të atit, John Sisk, 38-vjeç, njerkës Mary, 35-vjeçe, dy vëllezërve, njëri 6 vjeç, ndërsa tjetri 6 muajsh, si dhe motrës 5-vjeçare.
3 prej tyre u gjetën të vdekur në vendin e ngjarjes, ndërsa 2 të tjerë humbën jetën në spital.
Policia thotë se djali, emri i të cilit nuk është bërë publik, po bashkëpunon me hetuesit.
Sipas asaj që shkruan BBC, deri më tani nuk dihen ende shkaqet e kësaj ngjarjeje, apo se ku e gjeti 14-vjeçari armën e përdorur për vrasjet. Ngjarja e rëndë ndodhi orët e vona të së hënës në qytezën e Elkmont.
UPDATE: The two subjects in critical condition have died. The 14-year old caller was interviewed and confessed to shooting all five members of his family in the residence. He is currently assisting investigators in locating the weapon, a 9mm handgun that he said he tossed nearby.
— Limestone Sheriff (@LimestoneCoSO) September 3, 2019
Dhuna nga armët është kthyer në një fenomen të zakonshëm tashmë në SHBA. Të dhënat flasin për rreth 300 masakra vetëm përgjatë këtij viti.
7 persona u vranë në fundjavë në Texas. I dyshuar për ngjarjen është një 36-vjeçar, i cili kohët e fundit ishte pushuar nga puna.
Muajin e shkuar, në dy ngjarje të ndryshme në El Paso dhe Dayton, 31 persona mbetën të vrarë./tvklan.al
