Një 15-vjeçar në fshatin Bicaj të Peqinit është vetëplagosur me armë zjarri mbrëmjen e sotme.
Adoleshenti me iniciale G.B. qëlloi veten me pistoletë nga pakujdesia dhe është dërguar në spital në gjendje të rëndë shëndetësore.
Burime policore thonë për
tvklan.al
se 15-vjeçari e kishte armën pa leje. Në momentin kur është vetëplagosur nga pakujdesia, adoleshenti ka qenë në banesë me dy kushërinjtë e tij të mitur. Të njëjtat burime sqarojnë se prindërit e të plagosurit ndodhen jashtë shtetit.
Ndërkohë, dy kushërinjtë e mitur të 15-vjeçarit po merren në pyetje në prani të psikologes. Uniformat blu kanë nisur hetimet për këtë ngjarje.
Informacioni paraprak i policisë:
Në fshatin Bicaj, Peqin, në banesën e tij shtetasi G.B., rreth 15 vjeç, nga pakujdesia është vetëplagosur me armë zjarri pistoletë i cili është transportuar menjeherë në Spitalin Rajonal Elbasan, dhe është në gjendje të rëndë shëndetësore.
Grupi hetimor ndodhet në vendngjarje dhe po punon për sqarimin dhe dokumentimin ngjarjes. /
tvklan.al
