Australia ndryshon strategji për luftimin e pandemisë
Pavarësisht ecurisë së procesit të vaksinimit, Shtetet e Bashkuara Amerikës vijojnë të përballen me një situatë të vështirë pandemike. Edhe në 24 orët e fundit autoritetet atje konfirmuan mbi 1500 viktima, si dhe 182 mijë infektimesh.
Situata më e vështirë paraqitet në Teksas, i cili raportoi rreth 300 humbje jete dhe 22 raste të reja. Situata bëhet edhe më problematike, teksa më shumë se 100 mijë persona gjenden të shtruar në spitale, 22 mijë prej tyre në një gjendje kritike për jetën.
Në Europë, Britania e Madhe raportoi sërish një rritje të ndjeshme të infektimeve, teksa shënoi mbi 42 mijë raste të reja. Ndryshe paraqitet situata në Francë, Gjermani, Spanjë dhe Itali ku shifrat e infektimeve dhe ato të fataliteteve prej disa ditësh paraqiten të qëndrueshme.
Rusia vijon të ketë një numër të lartë fatalitetesh, teksa është renditura e katërta në botë për numrin e viktimave. Rritje infektimesh ka pësuar edhe Australia, e cila megjithatë ka vendosur të ndryshojë strategji sa i takon luftës kundër pandemisë.
Autoritetet atje kanë hequr dorë nga izolimet masive si përpjekje për të arritur Covid zero dhe kanë vendosur t’i japin më shumë liri qytetarëve dhe të vazhdojnë me politikën e vaksinimit dhe gjurmimit. Në 24 orët e fundit në mbarë botën u shënuan afro 10 mijë humbje jete dhe 660 mijë raste të reja.
Tv Klan
