18 milionë Euro pasuri kriminale të sekuestruara



18 milionë Euro pasuri kriminale të sekuestruara

18:54 28/10/2021

Elena Pici: Pronat e konfiskuara nga krimi do i kalojmë tek pushteti vendor

Në kuadër të luftës kundër krimit të organizuar, nga agjencitë e zbatimit të ligjit, gjatë 9 muajve të këtij viti janë sekuestruar mbi 18 milionë Euro asete kriminale.

Të dhënat u bënë të ditura nga Sekretarja e Përgjithshme e Ministrisë së Brendshme, Elena Pici gjatë takimit vjetor të rrjetit ballkanik të agjencive të aseteve të sekuestruara.

Gjatë takimit u evidentua përdorimi i pasurive kriminale të sekuestruara të vënë në dispozicion për qytetarët.

Rrjeti ballkanik i agjencive të aseteve të sekuestruara është themeluar nga Shqipëria, ku pjesë e nismës janë 8 vende të rajonit, përfshirë dhe Kosovën.

Kjo nismë mbështetet nga ndërkombëtarët me buxhet 2.5 milionë Euro, dhe parashikohet të mbyllet në mesin e vitit 2022.

Sipas Ministrisë së Brendshme, synohet përmirësimi i bashkëpunimit rajonal në kapjen, konfiskimin, menaxhimin dhe ripërdorimin e aseteve të ngritura në rrugë kriminale.

Klan News








Të ngjashme