Policia tha se autori është djali i zv.sherifit të një qarku dhe kishte marrë armën e nënës së tij
Një ngjarje e rëndë ndodhi dje, në Universitetin Shtetëror të Floridas. Policia njoftoi se djali i një zëvendëssherifi vrau dy persona dhe plagosi katër të tjerë në mjediset e universitetit. Gjatë kësaj ngjarjeje edhe autori u qëllua nga oficerët e policisë dhe ndodhet në spital.
Policia beson se autori veproi i vetëm dhe motivi nuk dihej. I dyshuari kishte marrë pistoletën e nënës së tij, e cila dikur shërbente në polici, ndërsa pas largimit nga puna e kishte blerë për ta mbajtur si armë personale.
Autori 20-vjeçar ishte gjithashtu student, ndërsa dy personat që u vranë nuk ishin studentë.
Të shtënat masive në kampuset e shkollave në SHBA janë bërë tragjedi të përsëritura vitet e fundit. Incidenti i së enjtes ishte i dyti të shtëna në kampusin e Universitetit të Floridas në 11 vjet.
Klan News
