151 raste të reja dhe 3 viktima në 24 orë
Mbeten të larta shifrat e pandemisë së koronavirusit në vendin tonë. Sipas shifrave të Ministrisë së Shëndetësisë nga 824 testime janë identifikuar 151 të prekur të rinj ku gjysmat e tyre i përkasin kryeqytetit.
“71 raste në Tiranë, 12 raste në Kavajë, 10 raste në Fier, 9 raste në Elbasan, 8 raste në Shkodër, 5 raste në Durrës, Lushnje, nga 4 raste në Divjakë, Fushë-Arrëz, Gramsh, nga 3 raste në Berat, Librazhd, Sarandë, 2 raste në Kukës, Gjirokastër, 1 rast në Krujë, Korçë, Has, Mallakastër, Kamëz, Pogradec”.
Në 24 orët e fundit janë shënuar edhe 3 jetë të humbura duke e çuar totalin e viktimave në 319 që nga nisja e pandemisë.
“Nuk e kanë fituar një 75-vjeçar dhe një 76-vjeçare nga Durrësi, dhe një 91-vjeçar nga Tirana”.
I lartë mbetet edhe numri i pacientëve në dy spitalet covid.
“Në spitalin Infektiv dhe “Shefqet Ndroqi” po trajtohen 198 pacientë të konfirmuar pozitivë me COVID-19, 21 në terapi intensive nga të cilët 4 pacientë janë të intubuar”.
Në 28 orët e fundit ka pasur 80 të shëruar, ndërsa në spitale janë ende një numër i konsideruar pacientësh që edhe pse e kanë kaluar virsin po kurohen për pasojat e tij.
Tv Klan
