“360 mijë doza të AstraZeneca nga një shtet mik”, Rama: Presim konfirmimin përfundimtar



“360 mijë doza të AstraZeneca nga një shtet mik”, Rama: Presim konfirmimin përfundimtar

20:43 22/02/2021

Ditët në vijim do të bëj një vizitë në këtë shtet

Kryeministri Edi Rama është shpresëplotë për arritjen e një marrëveshjeje të rëndësishme me një shtet mik për sigurimin e një sasie prej 360 mijë doza vaksinash AstraZeneca. Rama tha se 10-15 ditët në vijim do të bëjë një vizitë në këtë shtet, ku me gjasë do të marrë edhe konfirmimin përfundimtar.

“Shumë shpejt ne do të jemi në gjendje të japim lajmit e garantimit të një sasie të konsiderueshme vaksinash. E thashë që po punojmë në disa fronte. Me një shtet mik jemi shumë afër. Me shumë gjasë në ditët në vijim, se kur, nuk e kemi konfirmuar, po le të themi në 10-15 ditët në vijim unë do të bëj një vizitë atje dhe me shumë gjasë ne do të marrim konfirmimin përfundimtar për sasinë e 360 mijë dozave të vaksinës AstraZeneca që na është dhënë e konfirmua në nivelin po themi, ministror”

Negociata po bëhen edhe me një tjetër shtet.

“Njëkohësisht me një shtet tjetër jemi shumë afër, mund të jetë më shpejt se kjo e para, mund të jetë më vonë, sepse të gjitha janë dinamika të shfrenuara që çfarë sjell minuti nuk sjell viti, kur i thonë asaj fjalës”./tvklan.al






Të ngjashme