Nëse keni diabet është e rëndësishme për ju të kontrolloni marrjen e sheqerit. Edhe ushqimet që nuk kanë sheqer ndonjëherë mund të shkaktojnë një rritje të sheqerit, siç janë karbohidratet.
Karbohidratet mund të shndërrohen në glukozë nga trupi juaj. Kjo glukozë përdoret më pas si energji nga trupi juaj. Ka disa ushqime që kanë një indeks glicemik shumë të lartë. Këto ushqime mund të rrisin në mënyrë drastike nivelet e sheqerit nëse e konsumoni me tepri.
Sheqeri i pakontrolluar në gjak, siç e dimë të gjithë, mund të çojë në shumë kushte të pafavorshme shëndetësore. Kështu që është e rëndësishme të mbani nën kontroll nivelet e sheqerit në gjak. Më poshtë janë disa ushqime që mund t’ju japin një rritje të menjëhershme të sheqerit. Shmangni këto ushqime nëse jeni diabetik.
Qumështi i kokosit, qumështi i orizit dhe qumështi i tërshërës përmbajnë shumë sheqer. Qumështi i ëmbëlsuar i sojës përmban vetëm 1 g sheqer.
Perimet me niseshte: Patatet, bizelet dhe misri janë perime me niseshte që gjithashtu mund të rrisin nivelet e sheqerit në gjak.
Frutat: Frutat janë një burim i pasur i vitaminave, mineraleve, antioksidantëve dhe fibrave. Por ato janë gjithashtu të ëmbla. Nëse hani më shumë se një racion, do t’ju rritet niveli i sheqeri.
Karbohidratet e rafinuara: Buka e bardhë, makaronat dhe orizi janë shembuj të karbohidrateve të rafinuar. Trupi juaj e shndërron atë në glukozë për energji dhe kjo shkakton një rritje të sheqerit.
Hamburger: Një hamburger mund të përmbajë 10 gram sheqer dhe 43 g karbohidrate. Kjo është e krahasueshme me një karamele. /tvklan.al
