60% e bizneseve kanë plotësuar deklaratën e TVSH-së

Vjero: Nuk ka gjoba për deklaratat gabim, penalitet vetëm për vonesat

Sot përfundon afati i dorëzimit të librave të blerjes dhe shitjes për bizneset e vogla me xhiro mbi 2 milion lekë në vit që kanë hyrë për herë të parë në skemën e tatimit mbi vlerën e shtuar.

Afati për dorëzimin e deklaratës së TVSH-së përfundon ditën e hënë më 16 Korrik. Gjatë një bashkëbisedimi me gazetarët, drejtorja e Përgjithshme e Tatimeve Vasilika Vjero, tha se deri tani janë 11 mijë e 700 biznese që kanë dorëzuar dokumentacionin, ndërsa 60% e tyre kanë plotësuar deklartaën e TVSH-së.

Për bizneset që nuk dorëzojnë në afat deklaratën masa e penalitetit do të jetë 5 mijë lek të rinj, ndërsa për ata që i plotësojnë gabim nuk do të ketë gjoba, por do t’u lihet mundësia t’i korrigjojnë. Nga 6 900 deklarata, vetëm 50 kanë patur gabime.

Deklarata e TVSH-së për biznesin e vogël është më e thjeshtuar se për kategoritë e tjera, ndërsa Vjero deklaroi se të ardhurat e mbledhura nga taksa e TVSH-së për bizneset e vogla kanë pësuar një rritje modeste.

Tv Klan

Kategori
EkonomiTe funditTë gjithaVideo
0 Komente

Përgjigju

*

*






Emisione