“Shtatë arsye për të vizituar Shqipërinë”.
Me këtë titull e përditshmja britanike
“Metro”
fton turistët të eksplorojnë bukuritë e vendit tonë.
Dhe arsyeja e parë është zbavitja. Sipas
“Metro”
në Dhërmi mund të kërcesh gjithë natën. Arsyeja e dytë eksplorimi i rivierës. 265 kilometra plot surpriza e gjire të pazbuluar.
Zbulimi i një bote antike është arsyeja e tretë.
“Metro”
rekomandon turistët britanike të vizojnë Butrintin dhe Beratin.
E shkuara komuniste e vendit tonë ngjall kuriozitet, ndaj dhe gazeta fton turistët të vizojnë muzetë që tregojnë historinë apo edhe sekretet e komunizmit.
Kryeqyteti shumëngjyrësh, një kokteil në baret e shumtë në zonën e ish bllokut, janë një tjetër arsye për të vizituar Shqipërinë. Nuk mund të mungonte kuzhina.
“Metro”
sugjeron pjatat tradicionale.
Të fundit por jo për nga rëndësia janë malet tona, bukuria e tyre e egër dhe aventura që të ofron një ngjitje në veri.
Tv Klan
