Do e anashkalonit kafen tuaj të mëngjesit për një gotë çaji jeshil?
Nga frymëmarrja e gojës e freskët deri tek lëkura e pastër, ekspertët zbulojnë 7 arsye për zëvendësimin.
Kur vjen puna për të përmirësuar shëndetin nëpërmjet dietave ushqimore, çaji matça është pija e momentit.
Ai ka filluar të bëhet gota e domosdoshme për mëngjesin e shëndetshëm të vipave dhe dietologëve.
Dhe për arsye të goxha të mira.
Çaji jeshil dhe çaji matça në veçanti është provuar se ka përfitime shëndetësore që i tejkalojnë ato të çajit të zakonshëm apo kafesë.
Gazetarja e shëndetit Ana Maxhi shpjegon pse duhet ta zgjedhim atë për një mëngjes të shëndetshëm.
Çfarë është çaji matça?
Çaji matça është një lloj çaji jeshil në formë pudre. Origjina e tij është nga Japonia, ku njihet më së miri për përdorimin në ceremoni çaji.
Matça, çajra të tjerë jeshilë dhe çaji i zakonshëm i zi, bëhen nga e njëjta bimë (Camellia sinesis). Shumica e çajrave jeshilë bëhen thjesht nga gjethet e freskëta të Camellias, por bërja e çajit matça përfshin një proces akoma më kompleks.
Ai bëhet vetëm nga majat e gjetheve të freskëta.Bimët ngrohen nga dielli midis kohës kur gjethja e re fillon të shfaqet dhe kur mblidhen.
Ngrohja thuhet se rrit sasinë e klorofilit dhe ushqyesve të tjerë, përfshirë Amino acidin L- theanine. Pasi bëhet mbledhja e gjetheve më të mira, valohen, thahen butësisht, dhe pastaj bëjnë një pudër të mirë, duke hequr çdo fibër.
Anti – plakja: Memoria dhe shëndeti i trurit
Çaji jeshil mund të ndihmojë të parandalimin e sëmundjes së Alzhaimerit, një nga arsye kryesore të humbjes së kujtesës.
Përmirësimi i metabolizimit dhe humbja e peshës
Nëse po përpiqeni të dobësoheni, çaji jeshil mund të jetë shoku juaj i ri. Kërkimet kanë zbuluar se çaji jeshil në veçanti mund të ndihmojë në përmirësimin e metabolizmit dhe menaxhimit të peshës. Në fakt, çaji i gjelbër mund të ndihmojë në humbjen e peshës në shumë mënyra: Duke rritur djegien e kalorive, duke djegur yndyrat për energji, duke reduktuar thithjen e shpejtë të yndyrës dhe duke pakësuar oreksin.
Një gojë e shëndetshme dhe frymëmarrje e freskët
Dëshironi një gojë të shëndetshme? Kjo pije ka premisa qe t’ju ndihmojë në mbajtjen e shëndetshme të dhëmbëve dhe mishrave dhe të reduktojë erën e keqe të gojës. Çaji jeshil ka aktivitet të fuqishëm antibakterial kundër shumë baktereve që shkaktojnë sëmundjen e mishrave të dhëmbëve dhe prishjen e dhëmbit. Së fundmi dhe mbase më e rëndësishmja për shumë njerëz, shumë studime kanë gjetur se çaji jeshil mund të ndihmojë në reduktimin e erës së keqe të gojës falë disinfektantit të tij natyral dhe aktivitetit ajrosës.
Është i pasur në antioksidantë
Cilësia kryesore e çajit jeshil për përmirësimin e shëndetit është padyshim përmbajtja e antioksidantëve. Kjo përfshin një lloj katekinësh (
antioksidant
), të cilat janë më të bollshmet në llojin e epigallotekinëve. Është gjetur se kanë aktivitet anti-inflamator, cilësi anti-plakje dhe anti-kancer përmes të tjerave. Megjithëse çaji i zakonshëm jeshil përmban substance antioksidante, kërkimet kanë zbuluar se çaji jeshil përmban sasi të mëdha katekinësh në veçanti.
Ndiheni të stresuar? Zëvendësoni kafen me çajin jeshil
Shumë njerëz e kanë jetën të mbushur me stres. Kur ndihemi të lodhur ose të tharë shpesh si rezultat i vetë stresit, ne kërkojmë kafe t’i japim vetes tonë më shumë energji. Por dozat e larta të kafeinës dhe substanca të tjera stimuluese të gjetura tek kafja, në fakt mund t’i shkaktojnë trupit tonë të prodhojë më shumë hormone stresi, duke rritur përgjigjen ndaj stresit. Çaji jeshil përmban kafeinë, por më pak se kafja.
Të ruajmë fuqinë e kockave
Çaji jeshil mund të ketë shumë përfitime dhe për fortësinë e kockave tona gjithashtu. Megjithëse studimet tregojnë se dhe çaji jeshil dhe ai i zi mund të jenë mbështetës, më shumë studime kanë treguar përfitimet e çajit jeshil. Pra të pish çaj jeshil dhe matça është gjithashtu një zgjedhje e shkëlqyer, për këdo që do të ndërtojë fuqinë e kockave të tij ose të parandalojë humbjen e tyre. Ky është kryesisht shqetësim për gratë pas menopauzës, të cilat duhet të mbrojnë veten nga osteoporoza. Çaji jeshil mund të jetë gjithashtu i dobishëm nëse doni të shpejtoni procesin e një kocke të thyer.
Reduktimi i plakjes së lëkurës
Nëse s’jeni bindur akoma, të pish çaj jeshil mund të jetë gjithashtu një përfitim për lëkurën tonë, duke përfshirë plakjen e lëkurës dhe përmirësimin e kushteve të saj. Substancat aktive në çajin jeshil depërtojnë në lëkurë dhe sigurojnë mbrojtjen ndaj efekteve dëmtuese të dritës së diellit. Gratë që pinë çajin jeshil kanë gjithashtu përmirësime në elasticitetin e lëkurës dhe reduktimin e skuqjes dhe rrjepjen e saj.
Duhet të jemi organikë?
Është gjithashtu dhe një faktor tjetër që duhet të marrim parasysh kur zgjedhim një çaj: përfitimet e të qenit organik. Gjëja e rëndësishme këtu nuk është ajo që të jep çaji organik, por ajo që nuk të jep: nivelet e mëdha të pesticideve të dëmshme. Pavarësisht përfitimeve, çaji jo-organik ju shkakton juve dhe fëmijëve tuaj më shumë dëme sesa të mira. Mund të jeni të sigurt se merrni më shumë përfitime nga çaji jeshil nëse është organik. Dhe për më tepër çaji organik është përfitim për mjedisin, për jetët e atyre që e rrisin dhe e prodhojnë atë./tvklan.al
