Objektivi i Biden: Të nisë sa më shpejt injektimi për moshat 12-15 vjeç
Presidenti amerikan Joe Biden qartësoi objektivin e tij për të shpallur fitoren nga koronavirusi më 4 Korrik, ditën e Pavarësisë së Shteteve të Bashkuara. Duke folur nga Shtëpia e Bardhë, Biden kërkoi që 70% e të rriturve të marrin deri në atë datë të paktën njërën nga dozat e vaksinave anti-Covid.
Synohet që 160 milionë amerikanë të bëjnë injeksionet deri më 4 Korrik, gati gjysma e popullsisë së vendit. Për shefin e Shtëpisë së Bardhë, objektivi është mëse i arritshëm pasi deri më tani janë vaksinuar 105 milionë qytetarë. Kapacitetet aktuale të vaksinimit janë të larta dhe mund të kryen deri në 1 milionë injektime në ditë.
Një tjetër synim i Biden është edhe nisja sa më shpejt e injeksioneve për moshat 12-15 vjeç. Firmat Pfizer e Moderna kanë gati vaksinat për këtë kategori. Kthimi në normalitet i ekonomisë dhe jetës së vendit varet drejtpërdrejtë nga ritmet e vaksinimit.
Shembull për këtë është Izraeli, që pasi ka vaksinuar 60% të popullsisë, është bërë vendi i parë në botë që rikthen jetën normale pranë niveleve të para pandemisë. S
htetet e Bashkuara renditen në krye të listës globale të të prekurve, ndërsa infektimet ditore kanë rënë në nivelet e ulëta të Shtatorit.
Tv Klan
