Dashuria dhe martesa në kohë të ndryshme janë fakte se mosha dhe diferenca e saj nuk përbën asnjë problem në konsolidimin e një marrëdhënieje. Por a ka një moshë idelale për t’u martuar?

Studimet flasin për një moshë mesatare nga 25 deri në 29 vjeç që do të ishte më e përshtatshmja, duke marrë në konsideratë se deri në këtë moshë janë marrë disa eksperienca, janë përfunduar studimet dhe mund të jenë siguruar të ardhura për të krijuar familje.

Shumë personazhe publike në Shqipëri dhe në botë kanë dëshmuar se dashuria nuk njeh moshë. Për të diskutuar mbi këtë çështje në emisionin “Opinion” ishin të ftuar shkrimtari Edmond Tupe, psikologia Denada Toçe, politikani Mitro Çela, juristja Eni Çobani, prezantuesja Ermira Çausholli, juristi Ylli Manjani, aktorja Olta Gixhari dhe modelja Aurela Hoxha./tvklan.al