AAK e Nisma, koalicion pa Vetëvendosjen – TV KLAN

AAK e Nisma, koalicion pa Vetëvendosjen

Aleanca për Ardhmërinë e Kosovës dhe Nisma për Kosovën pritet që të zyrtarizojnë këtë të hënë koalicionin e tyre parazgjedhor.

Klan Kosova ka mësuar se Lëvizja Vetëvendosje nuk do të jetë pjesë e këtij koalicioni.

Edhe Nënkryetari i Aleancës për Ardhmërinë e Kosovës, Ardian Gjini, i ftuar në “Info Magazine”, konfirmoi bisedimet midis dy subjekteve.

“Shpresojmë se do ta formalizojmë një marrëveshje me Nismën. Besoj se shumë shpejtë do ta realizojmë”, deklaroi Gjini.

Problemet në bllokun opozitar filluan kur tre partitë, Vetëvendosje, AAK e Nisma vendosën të anullonin protestën e 26 Marsit, të thirrur kohë më parë.

Për këtë Gjini tha se vendimi kishte ardhur i njëanshëm nga Vetëvendosje dhe pavarësisht kundërshtimeve, AAK-ja kishte vendosur ta respektonte vendimin.

Përçarja ka vijuar kur Aleanca për Ardhmërinë e Kosovës, vendosi të thërrasë protestë më datë 14 Maj, që Vetëvendosje nuk e përkrah.

Sipas Gjinit, kjo e fundit, jo vetëm që nuk e mbështet këtë protestë, por po bën thirrje që njerëzit të mos dalin në protestë”. /tvklan.al

Kategori
KosovaTe funditTë gjitha
0 Komente

Përgjigju

*

*