Një adoleshente është përplasur nga një makinë mëngjesin e sotëm. Ngjarja e rëndë ka ndodhur tek “Kryqëzimi i Rrilës” në autostradën Lezhë-Milot.
“Automjeti me drejtues shtetasin F.D., ka përplasur shtetasen Xh.D.,17 vjeçe, ku për pasojë ka marrë dëmtime dhe është transportuar në spitalin Rajonal të Lezhës”, thuhet në njoftimin e policisë.
Drejtuesi i automjetit është shoqëruar në komisariat për veprime të mëtejshme hetimore.
Uniformat blu ndodhen në vendngjarje dhe po vijojnë punën për sqarimin e rrethanave të ngjarjes./tvklan.al
