Shoqëria civile dhe qytetarët do të zhvillojnë pasditen e sotme në orën 19:30 një tjetër protestë kundër qeverisë, pas ngjarjes së rëndë të ndodhur pak ditë më parë plazhin e Potamit në Himarë, ku një skaf me drejtues Arjan Tase përplasi për vdekje një vajzë 7 vjeçe.

Protesta e kësaj të hëne vjen 4 ditë pas protestës së zhvilluar para ministrisë së Brendshme nga qytetarët, të cilëve iu bashkuan PD dhe  Partia e Lirisë.

Protestuesit i lanë afat kryeministrit Edi Rama që deri këtë të hënë të shkarkonte dy ministrat, ministrin e Brendshëm, Bledi Çuçi dhe ministren Turizmit, Mirela Kumbaro.

Protesta do të nisë para ministrisë Brendshme, ndërsa do të jenë qytetarët ata që do të vendosin nëse do e zhvendosin protestën para Kryeministrisë apo Presidencës, siç ndodhi në protestën e katër ditëve më parë.

Klan News