“Air Albania” fluturon në Prill – TV KLAN

“Air Albania” fluturon në Prill

Keri: Destinacioni i parë Stambolli, me çmime më të lira

Kompania e parë e fluturimit me kapital të shtetit shqiptar “Air Albania” do të nisë fluturimet në mes të muajit Prill, kohë kur përfundon edhe aeroporti i ri i Stambollit. Kreu i Autoritetit të Aviacionit Civil tha se destinacioni i parë i saj, me avionin e quajtur “Lasgushi” do të jetë pikërisht Turqia, ndërsa kompania pritet të aplikojë për licencimin e avionit të dytë, që do të fluturojë drejt Londrës dhe në 3 qytete të Italisë.

“Fluturimet do të fillojnë me destinacion aeroportin e ri të Stambollit, ndërkohë kompania ka deklaruar se është në pritje të avionit të dytë që do të ketë synim destinacionet europiane. Sa i përket fluturimeve, kompania ka thënë se do të jenë në disa aeroporte në Itali, Romë, Milano, Bolonja dhe Londër”.

Fluturimi i avionit me flamurin shqiptar do të sjellë ulje të çmimit të biletave për qytetet ku do të zbresë. “Air Albania” ka përfunduar tashmë të gjitha procedurat e certifikimit dhe licencimit të ekuipazhit, regjistrimit të avionit Airbus 319-132 si dhe u lëshua Certifikata e Vlerësimit të Vlefshmërisë Ajrore nga organizata europiane.

“Kemi lëshuar certifikatën e operimit për kompaninë ajrore mbajtëse të flamurit “Air Albania”. Ky është finalizimi i një procesi intensiv dhe rigoroz të certifikimit të një kompanie ajrore shqiptare, për kryerjen e operimeve komplekse të transportit të sigurt të pasagjerëve.”

Kompania Air Albania u regjistrua si kompani në Shtator të vitit 2018, 10% të aksioneve të saj i ka kompania shtetërore Albcontrol, 49% janë në pronësi të Turkish Airlines dhe 41% në pronësi të MDN Invest.

Tv Klan

Kategori
EkonomiLajmet KryesoreTe funditTë gjithaVideo
1 Koment
  • Perparim Elezi
    26 Mars 2019 at 17:32
    Përgjigju

    49% turkish airlines? A është kompani turke apo si? Në një shtet ku ka individ të mbulojnë shpenzimet e tilla, e lane ma shteti,per mua është një adsurditet I madh! Por kur dihet kush ushëheq shtetin, nuk jam i surprizuar. Ahhh Shqipëri e mjera Shqipëri! Armiku i mbrendshem është shumë ma i rrezikshem se armiku i jashtem. Ahhhhhh sa keq, një dhimbje e madhe per popullin Shqiptar.por per derisa pranojmë lekë/euro apo dollar se kush të udheheq shtetin, kjo ashte atë qka meritojmë si Komb.

  • Përgjigju

    *

    *